Itzulpena: Jon Alkorta Martiartu doktorea (UPV/EHU)

Infernuko ahoak. Maien mundu iluna.

 Sarrera honetan duela gutxi argitaratutako liburu bat dakarkizut, Miguel Rivera Doradoren Las bocas del infierno. Imágenes mayas de una teoría universal, Miraguanoren eskutik. Maien kulturan eta beraien sakratuaren kontzeptuan interesa baduzu, jarraitu irakurtzen.

Autorea

Miguel Rivera Dorado Maiar Kultura irakaslea da Madrilgo Unibertsitate Konplutensean. Bere ikerketan mugarri bezala Pariseko École Pratique des Hautes Études-en emandako hitzaldiak aipa ditzakegu. Gainera, Ameriketako hainbat herrialdetan indusketak egin ditu ia 30 urtez, eta 1986an Mexikoko Espainiaren Misio Arkeologikoaren zuzendari izendatu zuten. Bere ikerketa nagusia Oxkintok-en egin du, Yucatanen, non Satunsat-en labirinto famatua ikertu zuen. Espainiako zein nazioarteko aldizkarietan artikuluez gain, hamar bat liburu ere argitaratu ditu.

Elkarrizketa labur bat

Pedro Ortega: Zure liburuak maien zibilizazioaz eta honek Beste Munduarekin duen harremanaz hitz egiten digu. Testuinguruan jartzeko, adieraz iezaguzu zein denboralditan egon ziren aktibo eta zein eremu okupatu zituzten geografikoki.

Miguel Rivera: 2000 urte inguruz, k.a. 500 eta k.o 1500 artean. Ia 300.000 kilometro karratu hartu zituzten Yucatán penintsulan eta Mexiko, Guatemala eta Belicen.

P.O.: Maien zibilizazioa ulertzeko irakurri beharreko liburu bat Popol Vuh da. Nahiz eta liburu hau eta beste zenbait Kolondar garaiean eginak izan, zein gako eskaintzen dizkigute maien mundu sakratua ulertzeko?

M.R.: Popol Vuh maien mundu-ikuskera eta pentsamendu erligiosoaren oinarri diren sorkuntza mitoen inguruko idatzizko zein ahozko tradizioaren bilduma bat da.

P.O.: Zilegi da maien mundu sakratuak animaliekin lotura duela esatea? Zer irudikatzen dute beraien faunako animalia ezberdinek? 

M.R.: Egipton bezala, ideia metafisikoei forma emateko inspirazio iturri dira animaliak.

P.O.: Hitz egin dezagun maien eraikin sakratuei buruz. Zeintzuk dira egin zituzten hileta-eraikin nagusiak? Zer dira aurrealde zoomorfoak eta zer esanahi zuten maientzat? 

M.R.: Piramideak. Aurrealde zoomorfoak Hildakoen Mundurako ateak dira.

P.O.: Zure liburuan, leku eta garai ezberdinetan, gizakiak oinarrizko arazoei antzeko erantzunak eman dizkiela argudiatzen duzu. Zein da teoria honen funtsa?

M.R.: Gizakiaren batasun biologiko eta psikikoa eta ingurunera egokitzeko bere borondatea.

P.O.: Amaitzeko, emaizkiguzu liburuan aurkituko duguna ulertzeko gako batzuk.

M.R.: Liburua antzinako maiek Beste Munduaren inguruan zuten kontzepzioaren sekretuak argitaratzeko saiakera bat da.

Liburua

Maien kulturan eta azpimunduaren beraien ikuskeran interesa baduzu, Rivera irakasleak informazio andana eskaintzen digu bere liburu berrian. Honako esteka honetan eros dezakezu:

Las Bocas del Infierno – Miraguano Ediciones – Miraguano — www.miraguano-sa.es

---

---